Рудниотк САСА ја продолжува поддршката за одржливост на рибниот фонд во езерото Калиманци. Благодарение на финансиската поддршка што ја обезбедува Рудник САСА, во сорабтока со здружението на риболовци – Спортски клуб „Шаран“ денеска е спроведена акција за обнова и дополнување на рибниот фонд во езерото Калиманци.
-Во рамки на најновата акција денеска беше извршено порибување на езерото со околу 1500 килограми крап, а најавено е и дополнително порибување со околу 500 килограми, што ќе биде спроведено во наредниот период. Најновото порибување на езерото се изврши во присуство на претставници од Државниот инспекторат за земјоделство и Агенцијата за храна и ветеринарство, како и од рудникот САСА, информираа од САСА.
Оваа активност, како што додадоа, е дел од повеќегодишната соработка помеѓу САСА и здружението „Шаран“.
-Соработка преку која рудникот обезбедува финансиска средства за набавка на рибен подмладок и порибување на езерото Калиманци, како и за функционирање и реализација на активностите на ова здружение, додадоа од рудник САСА.
Поддршката како што додадоа е дел од проектите што САСА ги спроведува во континуитет, а се наменети за поддршка на локалната заедница, заштита и унапредување на животната средина и одржливиот развој.
Извор: МИА
