„Почитувани градинари и овоштари,
Денес се исплатени субвенциите за предаденото остварено производство на градинарски и овошни култури во преработувачки капацитети.
За 3.310 градинари кои го предале сопственото производство во преработувачки капацитети се исплатени 169 милиони денари.
За производителите на зелка кои имаа произведена зелка од 05.04.2020 – 05.05.2020 се исплатени 30.4 милиони денари за 708 лица.
Средства на сметките добија и овоштарите кои го предале сопственото производство во преработувачки капацитети. Исплатени се 6.7 милиони денари за 172 овоштари.
Во текот на утрешниот ден ќе продолжат и исплатите за малите земјоделски стопанства (1.18) каде ќе бидат исплатени 656 субјекти.
Исплатата на субвенциите се одвива континуирано и неселективно“, објави на својот фејсбук-профил директорот на Агенцијата за финансиска поддршка во земјоделството и руралниот развој, Никица Бачовски.
