Францускиот пчелар Денис Жафре со години се борел против азиските стршлени (Vespa velutina). Откако изгубил 35 кошници одлучил брзо да делува за да ги спаси своите пчели.
Овој штетник во Европа прв пат стигнал во 2003 година и тоа токму во Франција, а „увезен“ бил при случаен транспорт од Кина, наводно во пратка со керамички садови. Неговата појава е забележана во скоро сите западноевропски земји.
Големината му е 3 см, има жолти нозе и без оглед што не е толку голем, мнгоу е агресивен. Бидејќи нема природни непријатели, цела кошница пчели може да изеде за неколку часа.
„Морав да најдам решение по секоја цена. Многу ме погоди загубата на половина кошници“, изјавил Џафре за Ројтерс.
Овој иновативен пчелар во 2016 година креирал стапица која изворно е направена од пластичен сандак и метална мрежа. Во стапицата се наоѓа мамец кој ги привлекува овие штетници. Откако ќе влезат во неа, веќе не можат да излезат. Помалите штетници кои ќе паднат во замката можат да избегаат низ отворите на ѕидовите кои се премали за стршлените.
Откако во 2018 година добил награда како најдобар иноватор, започнал со масовно произвдоство на овие стапици и тоа со помош на 3Д принтер. Побарувачката денес е толку голема што тој вработува 6 лица, а стапиците ги праќа ширум Европа.
На својата страница пчеларот Денис истакнува дека оваа стапица е превентивно и еколошко решение во борбата против стршлените.
Извор: agroklub.com
