Пред малку во Собранието на Република Северна Македонија, пратениците ја изгласаа измената на законот за земјоделско земјиште каде што е предвидено земјоделците до одземање на владение на земјата да имаат можност да платат закупнина и останати трошоци кон државата и со тоа автоматски им се враќа договорот што го имале – информира министерот Хоџа.
Поради кризата и други финански проблеми, многу земјоделци, корисници на државна земјоделска земја не стигнаа навреме да ги платат давачките кон државата, со што Министерството за земјоделство им ги раскина договорите. Токму затоа, на иницијатива на
Министерот за земјоделство, Арјанит Хоџа, сакајќи да им помогне на овие земјоделци да не ја изгубат земјата превзеде мерки и активности, согласно законските можности кои му стојат на располагање.
-Го знаеме проблемот и сакаме да им помогнеме на тие земјоделци кои поради финансиска криза или друга причина, не успеале навреме да ги платат давачките кон државата за земјата која ја имаат под концесија. Ако почневме процедура од Влада ќе траеше многу и затоа разговарав со пратениците од мнозинството кои излегоа во пресрет да се донесе измената на законот за земјоделско земјиште и со тоа да им помогнеме на земјоделците. Упатувам благодарност до пратениците за заедничкото делување во интерес на сите земјоделски производители и домашното производство на храна – вели Хоџа.
–
