Со промоција на две кампањи за подигнување на јавната свест за значењето на означувањето на храната, со фокус на здравствените тврдења и за подобрување на пасивниот надзор над болеста беснило, Агенцијата за храна и ветеринарство (АХВ) го одбележува завршувањето на проектот „Подобрена имплементација на законодавството во делот на здравјето на животните, безбедноста на храната и фитосанитарната област и соодветните информациски системи”.
Проектот вреден 1,6 милиони евра, се реализира изминатите две години во рамки на ИПА 2015, со финансиска поддршка од Европската Унија.
Носител на проектот е АХВ, но се спроведуваше во соработка со Фитосанитарната управа, Државната фитосанитарна лабораторија и Државниот инспекторат за земјоделство при Министерството за земјоделство, шумарство и водостопанство.
На промоцијата, покрај директорот на АХВ, Николче Бабовски, ќе присуствуваат и Трајан Димковски, заменик министер за земјоделство, шумарство и водостопанство, како и Штефен Худолин, раководител на секторот за операции при Делегација на ЕУ во Скопје.
