Екстремните услови како град, мраз, поплави и суша условуваа за пораст на цената на житарките. Од понатамошниот развој на состојбата на светските берзи зависи колку откупувачите ќе заработат. Поради лошите временски услови цената само би можела да оди нагоре или да се задржи на сегашното ниво, но оваа недела сепак малку падна во однос на минатата.
Моментално во извозното пристаниште во Хамбург цената на пченицата е 217 евра по тон, што е благ пад во однос на една недела порано кога изнесуваше 223 евра. Пченката на чикашката берза CME чини 183,87 евра по тон, а тон пченица 226,43 евра. Што се однесува до парискиот EuroNext пченката се движи околу 259 евра/тон, а пченицата 212 евра. Блиску е и француската берза FOB на која со неа се тргува по цена од 215 евра за тон.
Маслодајната репка и понатаму чини 590,81 евра по тон на канадската ICE, додека тон соја на чикашката CME изнесува 472,51 е.
Лошите временски услови ги поддржуваат високите цени
Топлотниот бран во Северна Америка, како и силните дождови и поплави во Западна Европа и Кина предизвикаа раст на цените. Дождовите што го зафатија источниот дел на Франција и голем дел од Германија не само што ја одложија моменталната жетва, туку предизвикаа штета на посевите нарушувајќи го нивниот квалитет.
Според FranceAgriMeru, француската жетва на пченица пред две недели била на четири проценти, во споредба со 42 проценти ова време лани. Германската задруга Raiffeisen (DRV) ја намали проценката на жетвата на средината на јули за 170.000 тони, на 22,8 милиони тони. За споредба, минатата година се ожнеани 22,1 милион тони, пишува agrarheute.
Меѓутоа, времето на северот на САД и Канада целосно е поинакво. Екстремната суша и повторниот раст на температурата над 40°C влијаат на залихите на пченица. Американското Министерство за земјоделство (USDA) само 11 % од пролетната пченица ја оценило како добра или многу добра, што е најлоша оценка од 1988 година.
Најважните подрачја на пченица во Кина се погодени со рекордни поплави по силните дождови, што би можело да има значајно влијание на глобалната побарувачка на житарки. Поплавите ја погодија провинцијата Хенан, најголемиот регион за одгледување на пченица, заслужни за 30% од производството. Оваа кинеска провинција е и вториот најголем производител на свињи. Поплавите ги поттикнуваат и стравовите дека би можеле да се појават нови случаи на африканска свинска чума.
Извор: agroklub.com
