Првата искра во хуманитарната работа од органската фарма „Органела“ од Валевска Каменица блесна пред неколку години кога на лицата заболени од рак им беа дадени јајца од препелица.
Сега, младиот тим експерти, со поддршка на Националното здружение на родители на деца заболени од рак, НУРДОР, започна хуманитарен проект „Ние садиме живот“ во кој целиот зеленчук одгледуван на новите 50 хектари имот на „Органела“, ќе биде дониран на децата со рак и на нивните родители кои престојуваат во родителските куќи.
А сето ова немаше да биде возможно ако тројца пријатели и соработници Павле Ѓорѓевиќ (30), Теодора Тасиќ (28) и Дарко Шијакиниќ (27) не го основаа Здружението на граѓани „Градината може да стори сѐ“.
Идејата долго постоела на хартија, но тие го чекале вистинскиот момент, односно да најдат соработници кои работат потполно транспарентно и да проверат дали донацијата отишла во вистински раце, односно дека стигнала до децата.
Од моментот кога на „Органела“ ѝ се придружил Дарко (случајно барајќи микро-билки преку Интернет), сè почнало да се подобрува, планот бил направен брзо, и овие тројца млади луѓе започнале соработка со НУРДОР. Животот продолжи да ги пишува најневеројатните приказни…
„Воден од мојата животна приказна, се поврзав со Павле и со тимот. Пред 17 години бев излечен од леукемија и како дете ми беше претставен процесот на заздравување, особено сегментот на здрава, непрскана храна што е многу важен за време на терапијата“.
„Јас ја добив мојата битка одамна, и сега сакав да им помогнам на другите и да се приклучам на иницијатива“, рече Дарко за Приче са душом.
„Прво волонтирав во НУРДОР, а потоа му ја раскажав целата приказна на Павле и почнав да работам во Органела“, вели Дарко.
Националното здружение на родители на деца заболени од рак (НУРДОР) води пет родителски домови во Белград, Нови Сад и Ниш, каде што престојуваат децата кои се лекуваат. Тоа се семејства кои не живеат во овие три града и на кои НУРДОР им обезбедува бесплатен престој за да не плаќаат за сместување.
Идејата за „градината што може да направи сѐ“ е зеленчукот да се доставува директно до родителските куќи.
На тој начин, децата и родителите можеа да го јадат свеж или да го користат при подготовка на оброци. Тоа се компири, моркови, целер, цвекло, брокула и други култури кои се неопходни за здрава исхрана за време на третманот.
„Направивме анкета во куќите каде што се сместени родителите и децата и тие ни кажаа што им е најпотребно од намирници.
„На 50 хектари е градината, а на другата половина ќе изградиме сместувачки капацитети за волонтерите кои ќе работат на имотот.“
„Иако органското производство е многу скапо и бара големи инвестиции, ние се трудиме да направиме модел на самоодржлива градина.
„За да се успее во тоа, потребно е земјата да ја обработуваат волонтери, а не платена работна сила“, објасни Павле, додавајќи дека од таа причина е започната онлајн-кампања за собирање пари за изградба на бунгалови за волонтери во Валeвска Каменица.
Секој што сака да даде свој придонес на овој хуман имот ќе може да се пријави, да дојде во Каменица и да остане тука онолку дена колку што сака.
Волонтерите ќе имаат бесплатно сместување и оброци, а за возврат ќе работат одреден број часови во градината.
Додека не се изградат бунгаловите, ќе се нуди кампување во шатори.
Зеленчукот ќе се доставува директно до родителските куќи двапати неделно на трошок на „Органела“.
„Го дадовме имотот и ги финансиравме работниците од свој џеб за да го подготвиме за садење, ѓубриво, семиња, трактор, гориво. Во текот на минатата година дониравме повеќе од 500 кг свежо овошје и зеленчук на различни институции. Тогаш нашата желба да продолжиме да шириме добри дела уште повеќе се зајакна.
„Кога Дарко дојде кај нас и ни кажа за неговите позитивни искуства со Нурдор, знаевме дека тоа е знак дека започнуваме нов проект“, изјави Павле, директор на „Органела“.
Наскоро, на сите ќе им се даде можност да волонтираат, да добијат сертификат и да им помогнат на најмладите откако ќе поминат квалитетно време во природа.
„Од самиот почеток знаев дека „Органела“ може да биде нешто повеќе од само бизнис, затоа што тука инвестираме многу љубов во работата и во нашите деловни односи. Ова е многу повеќе од фарма, ние сме поврзани заедно во емотивна целина и навистина сакаме да бидеме тука и да ја работиме оваа работа“.
„За жал, во Србија секој ден едно дете заболува од рак, а секоја недела по едно дете умира. Секој од нас може да придонесе за промена!“
„Идејата е да поттикнеме и други органски фарми и производители да ни се придружат, да одвојат дел од обработливото земјиште за хуманитарни цели и да имаме многу „Градини што можат сè“, велат Павле, Дарко и Теодора.
Веб-страницата каде што можете да ја поддржите оваа идеја со донација можете да ја најдете на следниот линк.
Извор: pricesadusom.com
