До 2030 година глобалната популација би можела да достигне бројка од 8,5 милијарди. Како би можело да изгледа земјоделското производство и потрошувачката на земјоделско-прехранбени производи, донесува извештајот на FAO и OECD.
Во следното десетлетие прехранбените производи би можеле да поевтинат, поттикнати со растот на продуктивноста, но истовремено, глобалните цели за намалување на гладта веројатно нема да бидат исполнети, заклучок е на извештајот на Организацијата за храна и земјоделство при (FAO) и OECD.
Во овој извештај се предвидува дека глобалната побарувачка за земјоделски производи ќе расте – вклучувајќи храна за луѓе и животни, гориво и индустриски раст за 1,2 проценти годишно во текот на претстојното десетлетие, иако со побавна годишна стапка отколку во текот на претходното десетолетие. Се очекува идната побарувачка да ја формираат демографските трендови, замената на црвеното месо со месо од живина во богатите земји и во земјите со средни приходи, како и порастот на потрошувачката на млеко по жител во Јужна Азија.
Клучот на одржлив раст е продуктивноста
Се истакнува дека подобрувањето на продуктивноста е клучно за одржлива прехрана на растечката глобална популација – која до 2030 година би можела да достигне 8,5 милијарди. Кога станува збор за зголемување на светското производство на посевите до 2030 година се предвидува дека 87 проценти ќе произлезат од раст на приносите, шест проценти од проширена употреба на земјиштето, а седум проценти поради зголемуавање на интензитетот на посевите. Слично на тоа, очекувањата се дека голем дел од предвиденото ширење во сточарството и производството на риба ќе биде резултат на зголемена продуктивност. Исто така, зголемувањето на стадата значително ќе придонесе за раст на сточарското производство во стопанствата во развој и земјите со ниски приходи.
Трговијата и понатаму ќе биде пресудна за глобалната сигурност на храната, исхрана, приходите на земјоделските стопанства и решавањето на сиромаштијата во руралните делови.
„Имаме единствена можност да го поставиме земјоделско-прехранбениот сектор на патот на одржливост, делотворност и отпорност“, изјавил главниот службеник на OECD Матиас Корман и главен директор на FAO QU Dongyu во предговорот на извештајот.
„Без дополнителни напори нема да се постигне целта на нулта глад, а емисијата на стаклени гасови од земјоделството дополнително ќе се зголеми. Итно е потребна трансформација на земјоделско-прехранбениот состав“, порачуваат истражувачите.
Што ќе се јаде во кој дел на светот?
Глобално, се прогнозира дека вкупната достапност на храна во текот на следното десетлетие ќе расте за четири проценти и ќе достигне нешто повеќе од 3.000 калорија по лице дневно. Исто така и потрошувачката на маст по глава на жител најбрзо ќе расте поради главните собири на храна, поради поголемата потрошувачка на преработена и како што пишуваат, практична храна, како и тененцијата да се јаде надвор од дома, што е поврзано со континуираната урбанизација и сѐ поголемото учество на жените во работната сила. Помалите приходи и инфлацијата на цените на храната после пандемијата ковид-19 го зголемуваат овој тренд.
Во земјите со висока добивка не се предвидува ваков раст со веќе високите нивоа. Меѓутоа, растот на доходот и промената на потрошувачките преференции ќе го поддржи преминот од базична храна и замена за шеќери со храната со поголема вредност, вклучително овошје и зеленчук и во помала мера, животински производи.
Се смета дека во земјите со ниски приходи ќе се зголеми достапноста на храна за 3,7 %, што е еднакво на 89 калории по лице дневно, а кои ќе дојдат од веќе споменатата основна храна и засладувачи. Таму економските ограничувања ќе ја намалат потрошувачката на животински производи, овошје и зеленчук.
Иако FAO индексот на цената на храната силно порасна во последната година, во наредниот период се очекува пад на цените.
Извор: agroklub.com
