Никица Бачовски, директорот на Агенцијата за финансиска поддршка на земјоделството и руралниот развој, во изјава за Агротим потсети дека во тек е повикот за педигриран добиток, кој, како што рече, во минатото покажа добри резултати, и ги охрабри апликантите за кое било прашање да се обратат до Aгенцијата.
„Рокот за аплицирање е до 4 јули, а она што сакам да го порачам до сите апликанти е слободно, за кое било прашање да се обратат до агенцијата, сите јавни повици ние јавно и транспарентно ги објавуваме на нашата веб-страница, како и условите за аплицирање и документите што треба да се соберат“, рече Бачовски.
