Во голема меѓународна истрага на фалсификуван мед, која веќе некое време ја води Интерпол, се вклучи и Србија, а во прибирање на податоци учествуваат ветеринарната инспекција, санитарната, Управата за криманлистичка полиција и Даночната управа.
Станува збор за „мафија која е формирана на светско ниво“, вели Родољуб Живадиновиќ, претседател на Сојузот на пчеларски организации на Србија и нагласува дека предмет на истрага се и големите производители и малите пчелари.
„Досега се земени околу 200 примероци, голем дел од потребните анализи веќе се извршени, но има и некои планирани производители од кои сѐ уште не е земен материјал за испитување. На резултатите уште ќе чекаме, тоа сега зависи од Интерпол, кога тие ќе ги комплетираат своите податоци. Но ние, веќе ги објавивме имињата на некои поголеми производители кај кои, по наши пријави, е правена анализа и е утврден фалсификат. Една од фабриките веќе е затвроена, „Хани мед“, иако нивните пакувања сѐ уште можат да се најдат во продавницата и тука е интересно што тие ги минуваа основните анализи, кои се прават кај нас и во Европа, но кога прв пат е применета софистицирана методологија, се покажа дека во нивниот мед има околу 30 отсто шеќер“, вели Живадиновиќ.
Тој обајснува дека медот може да се фалсификува на повеќе начини и дека наједноставна метода е да се зоврие шеќерот со некоја од киселините до посакуваната густина и се става во теглите како мед.
Друг начин е од гликозно-фруктозен шеќер, пченкарен сируп кој веќе има густина на мед и без никаква интервенција само се пакува. Некои од „производителите“ му додаваат вештачки бои и ароми, додека други само во продажба пуштаат сируп со етикета на мед.
Еден од начините скоро и да беше заборавен, но неодамна е пронајден во една градинка каде наместо пчелен производ во амбалажата бил сируп кој некогаш се користел за правење на бонбони. Фирмата која го палсирала тоа е целосно лажна, непостоечки производител со измислен регистрациски број која преку некое друго претпријатие учествувала на тендери.
Четврт модел е она што го правел „Хани мед“, продавал мешавина на мед и шеќер.
„Таа појава не е присутна само кај нас. Според минатогодишното истражување во Америка дури 76 отсто од медот бил фалсификат, во Европската Унија, која е најуредена, одат околу десет отсто, а кај нас тоа според некои неофицијални податоци се движи околу 40 отсто. Истрагата на Интерпол, кога резултатите ќе бидат обајвени, би требало да ни ги даде точните податоци, но некои насоки и сега се видливи“, објаснува Живадиновиќ.
Извор: agronews.rs
