Мини киви (лат. Actinidia Arguta) е повеќегодишно растение со потекло од Јапонија, Кина, Кореја и Сибир. Има голем земјоделски потенцијал, а денес неговото одгледување е многу ретко. Чиле и Украина се водечки производители, малку се одгледува во САД и во Нов Зеланд.
Поради многу големата побарувачка и ограничувањата во производството за оние кои ќе се решат да започнат со оваа авантура, производството ќе биде многу профитабилно. Застапеноста на пазарот на свежо овошје е мала и има огромен потенцијал.
Како се одгледува?
Мини киви најдобро успева таму каде што климата е премногу остра за класичното киви, издржува температура до – 30 °C. Потребни се топли, заштитени места, со потпора за искачување и хумусна, добро дренирана почва со благо кисела pH вредност. Мини киви е отпорен на болести и штетници, не бара хемиски третмани и е идеално за органско производство. Одгледувањето е едноставно, потребна е само една резидба во вегетацијата. За развој на плодовите, потребно е да се засади машко и женско растение или сорта што се самооплодува.
Зрее на почетокот на октомври, а плодот е со големина од 2-3 см и тежи само неколку грама. Во споредба со обичното киви, мини киви може да се јаде целосно сосе кора. Вкусот на мини кивито потсетува на комбинација од ананас, јагоди, банани и сливи. Приносот е до 3000 плодови по растение по сезона.
Мини кивито се карактеризира со можност за зреење по бербата, а бидејќи плодовите се чувствителни, можат да траат само неколку дена на полиците на продавниците. Плодовите созреваат на собна температура и најдобро е да ги послужите малку разладени на температура од 15 – 18 °С. Голем избор на сорти кои се разликуваат по бојата на кората, внатрешноста, големината и обликот.
Супер овошје
Се смета за едно од најхранливите плодови и денес го вбројуваат многу високо на списокот на сирова храна – супер храна. Има исклучително висока содржина на витамин Ц, како и калциум, железо, калиум и растителни влакна, што го прави здраво овошје во текот на зимата. Исто така, има многу малку калории. Плодовите се полни со антиоксиданти кои помагаат да се намали ризикот од рак, кардиоваскуларни болести, а исто така се забавува и процесот на стареење. Помага при отстранување на токсините од телото, како и во намалување на нивото на холестерол, но исто така го намалува стеснувањето на артериите. Го одржува здравјето на коските, забите, видот и кожата. Го одржува нивото на шеќер во крвта, црвените крвни клетки и нервниот систем.
