Во последниве години, една од главните теми и кај нас и во светот е загадувањето на воздухот, особено во гратските и урбаните средини. Како едно од најефикасните решенија, научниците и активистите за животна средина посочуваат на садење дрвја, природни и моќни прочистувачи на воздухот. Дрвјата играат значајна улога во апсорпцијата на јаглерод диоксид и во ублажувањето на штетните ефекти на стаклената градина. Ако имате простор во вашиот двор и не сте засадиле дрво на есен, можете да го сторите тоа сега.
Некои видови дрвја се издвојуваат по својата способност за поефикасно чистење на воздухот. Предлагаме три што можете да ги засадите во вашиот двор.
Пауловнија
Оваа дрво дури неодамна стана популарно во нашата земја, а во Кина се одгледувало уште пред 3.000 години.
Предноста на пауловнијата е тоа што не е „пребирлива“ кога станува збор за квалитетот на почвата, потребно е само да се избегне премногу мочуришна почва, односно онаа во која има подолго задржување на водата по врнежите. Брзо се прилагодува на условите на животната средина и покажува голема отпорност на суша, болести и гниење.
Успева на надморска височина до 1.000 метри. Кога ќе ја садите, најдобро е да ја иситните почвата пред да ги вметнете садниците.
Пауловнијата се смета за најбрзо растечко дрво, кое расте за околу 20 метри во висина за 8-10 години. Тајната на големата брзина на нејзиниот раст лежи во огромната лисна маса, и токму во тоа се крие голема ефикасност во прочистувањето на воздухот. Имено, благодарение на таквата лисна маса, таа претвора големи количини јаглероден диоксид во вода и растителни шеќери.
Не треба да се занемари ниту корисноста на ова дрво во прочистување на земјиштето. Неговиот корен, кој е исклучително длабок, апсорбира тешки метали од почвата, а ова растение е исто така погодно за одбрана од ерозија.
Има прекрасни цвтови и е едно од многу квалитетните растенија за мед. Медот е со посветла боја и има поголема густина од медот од багрем.
Бела топола
Листопадното дрво кое е исто така брзорастечко дрво. Белата топола достигнува висина до 35 метри.
Цвета во март и април, пред да се појават лисјата. Карактеристична е токму поради лисјата, кои се двобојни: лицето има темно зелена нијанса, а другата страна е сребрена. Крошната е најчесто округла, а кората на дрвото е мазна и бела.
Главно ја има покрај бреговите на реките.
Јасен
Уште едно дрво за кое се смета дека расте брзо е јасенот. Она што го прави јасенот најефикасен во борбата против загадувањето на воздухот е можноста за негово засадување и преживување во урбаните области. Коренот на ова дрво не е агресивен и лесно се прифаќа.
Јасенот е листопадно хипоалергично дрво кое достигнува висина до 40 метри. Ова дрво има и исклучително големи литови кои се долги помеѓу 20 и 35 сантиметри.
Белиот јасен е многу лековит, неговиот лист се користи за симптоми на болести на мочниот меур, бубрезите и желудникот, а од листовите се прави лековит чај.
Кората на ова дрво уште во минатото се користела за регулирање на работата на цревата, зајакнување на телото, артритис и лекување на треска.
