Студениот, арктички бран деновиве донесе снег, дожд и минуси температури во Централна и Западна Европа и на Медитеранот.
Најавените ниски температура, кои во делови од Франција достигнаа до -5 °C, ги принуди француските лозари да интервенираат во нивните насади. Со палење грејачи на масло, тие се обидоа да ги спасат новоотворените пупки во лозјата на Чаблис, најсеверниот познат вински регион Бургундија.
Штетата допрва ќе се пресметува, бидејќи споменатите грејачи помагаат до -5 ° C, а под тоа, како што тврдат винарите, тие се неефикасни.
Овој вински регион веќе со години бележи штети предизвикани од мраз, град, суша, а минатата година и од коронавирусот.
Иако се спектакуларни, сцените во кои лозарите се обидуваат да ги спасат своите посеви со оган, ги разжалостуваат сите оние кои знаат колку е напорна работата на земјата. И колку е тешко кога културата во рана пролет е покосена од мраз.
Сепак, сите овие појави не се навистина невообичаени бидејќи и старата народна поговорка вели дека априлскиот мраз прави поголема штета отколку летниот град и сушата заедно.
