Повеќето шампиони одгледувачи на гигантски тикви имаат свои методи и тајни за производство и така победуваат на натпреварите.
Најаважно од се за да се одгледа ваква гигантска тиква е да се одбере вистинскиот вид на семе.
Најчесто производителите се одлучуваат за семе од сопственото пороизводство или некое друго веќе проверено.
Треба да се знае дека на тиквата и треба многу сонце. Затоа се избира најсончевото место што го имате. Запомнете дека тиквите се чувствителни и ќе им треба засолниште од ветер и мраз. Обидете се да ги заштитите тиквите од временските неприлики така што ќе ги покриете за време на поројните дождови или ќе поставите некаков вид бариера за да ги заштитите ластарите од високи ветрови или користите шатори за сенка за време на најжешките денови на летото.
Тиквата сака многу вода, но не засадувајте тикви во влажна или густа почва. Ним им е потребна добро исцедена почва. Подгответе ја почвата во рана пролет, веднаш штом земјата е топла.
Поради опасност од мраз кон крајот на април или почетокот на мај, семето од тиква најнапред добро се подготвува и се засадува во затворено ( одгледувачите прават и сопствени инкубатори за таа цел) За прихрана на ваквиот расад се користат разни видови препарати па дури и алги.
Кога расадот ќе се извади на отворено на веќе припременото место каде што тиквите ќе растат заштите ги во првите неколку недели со рамки покриени со најлони.
Исто така производителите на ваквите гигантски тикви прават и селекција на цветовите при оплодувањето. Потребна ви е голема лоза за да произведете голема тиква, така што во извесна смисла ја избирате лозата пред тиквата и одберете доволно силен женски цвет.
Со ваквиот начин на одгледување на гигантски тикви до средината на август растенијата растат со голема брзина. Ноќта е време е кога тиквите растат, и тоа околу 5 сантиметри во обем секоја вечер.
