СЗО смирува: Ризикот од пренесување на птичјиот грип од Русија од човек на човек е мал

Ризикот од пренесување на сојот на птичји грип H5N8 од човек на човек е мал, соопшти Светската здравствена организација, откако варијантата прв пат беше идентификувана кај земјоделски работници во Русија.

Утврдено е дека седум луѓе во Русија се заразени со вирусот H5N8, но сите биле асимптоматски случаи по појавата на вирусот на фарма за живина во јужната покраина Астрахана, се наведува во соопштението на СЗО.

„Сите блиски контакти на овие случаи клинички се следат и никој не покажал клинички знаци на болеста. Врз основа на моментално достапните информации, ризикот од пренос на вирусот од човек на човек и понатаму е низок“, оценува СЗО.