Студениот бран кој ги погоди посевите во јануари и февруари во повеќето подрачја на нашиот континент нема да има значително негативно влијание бидејќи посевите биле заштитени со снежна покривка, соопшти МАРС, службата на Европската Унија за следење на посевите.
Во Европа од почетокот на првиот месец од годината се забележани три студени брана, а третиот, во периодот помеѓу 7 и 15 февруари беше најсилен и погоди најголемо подрачје. Како што се наведува во извештајот на МАРС, прво ја зафатил Северна Европа и тоа Полска, Германија, Северна Франција и земјите на Бенелукс. Подоцна, само на еден ден, уште постудено било во Унгарија, Југоисточна Европа, но и во Турција.
Во текот на минатиот месец во многу делови на Средна и Северна Европа се забележани постудени услови од вообичаено и тоа со температури кои во неколку региони се најниски во последните 50 години. Сепак, се очекува дека негативното влијание кај зимските посеви ќе биде ограничено, бидејќи повеќето биле заштитени со снежна покривка.
Според МАРС се очекуваат штети од мразот, но во помали размери и тоа во западниот дел на Германија, Источна Франција, Унгарија, Југоисточна Европа и Турција. Станува збор за подрачја на кои културите се помалку толерантни на ниските температури. Но, во текот на зимата постои и корист од мразот, бидејќи, како што се наведува во извештајот, тој ја подобрува структурата на глиненото земјиште и се намалуваат ризиците од појава на штеници и болести.
Бидејќи просечните темепратури во повеќето делови на Јужна Европа биле за околу 2°C над долгогодишниот просек, паднале и натпросечни количини дожд во повеќето делови на нашиот континент со најголеми неправилности во Италија, земјите на Балканот, Романија, Бугарија и Грција, каде што продолжиле да паѓаат. Натпросечни врнежи се забележани во Источна Шпанија како и во делови на Украина.
Извор: agronews.rs
