„Се топи“ шеќерот од репката на Стариот континент

Европската Унија е водечки глобален производител на шеќер од шеќерна репка, но само 20% од оваа намирница во светот доаѓа од таа културa, додека остатокот е со потекло од главниот конкурент, шеќерната трска, чии најголеми амбасадори се Бразил и Индија.

ЕУ во 2000 година имала 257, а во 2020 година 96 шеќерани.

Пред седум години цената на шеќерот по тон изнесувала 700 евра, а според наводите на експертите, под 405 евра е неодржлива. Тврдат дека денес изнесува 350 евра.

Одгледувачите и фабриките се под сè поголем притисок.
Минатата година 20% од германските производители се откажале од одгледување на оваа култура. Тогаш цените паднале на историски минимум од околу 312 евра по тон, што отвора бројни прашања за перспективата на шеќерната репка.