Во Србија во тек е голема акција на откривање на неквалитетен и фалсификуван мед

Повлекувањето на производи кои не ги исполнуваат параметрите на квалитет за да бидат мед, кој се употребува како намирница во исхраната , во Србија трае веќе 10 дена, наведуваат од Ветеринарната инспекција на Министерството за земјоделство.

– Во текот на службените контроли на производителите и дистрибутерите на мед на пазарот на Србија, утврдено е дека медот на одредени производители не ги исполнува барањата за квалитет кои се пропишани по Правилникот за квалитет на медот и други производи на пчели – се наведува во пишана форма. Се додава дека таквиот мед не може да биде користен како намирница во исхраната, туку само за готвење или печење (пекарски мед).

Повлекувањето на ваквите производи од пазарот е врз основа на решението на ветеринарната инспекција. Ветеринарната инспекција истакнува дека не се работи за небезбеден, туку за производ кој не ги исполнува параметрите за квалитет.

„Во согласност со овластувањата, ќе бидат поднесени соодветни пријави, а информацијата за утврдената состојба е веќе проследена до другите надлежни органи и инспекции поради преземање мерки од нивната надлежност“, наведува Управата за ветерина.

Претседателот на Сојузот на пчеларски организации на Србија (SPOS) Родољуб Живадиновиќ во изјава за Танјуг вели дека ваква важна акција досега никогаш не се случила во Србија, бидејќи истовремено ги ангажирале сите надлежни органи, ветеринарната инспекција, пазарната инспекција, полицијата, управата за криминалистичка полиција, даночната полиција и санитарната инспекција.

„Според нашите сознанија, ветеринарната инспекција одземала над 150 примероци мед на терен. По прв пат во сите примероци се утврдува автентичност на медот, односно преку потекло на шеќер во медот. Така се откриваат и многу вешти фалсификати, кои инаку ги поминуваат стандардните анализи“, рекол тој.

Живадиновиќ тврди дека, според сознанијата на SPOS, досега е откриено фалсификување на мед од страна на фирмата Med Honey од Вучак кај Смедерево и земјоделското стопанство Вученовиќ од Сремска Митровица.
„Според нашите информации, во текот на контролата е најден фалсификуван мед, кој доминира, но и вистински мед кој има пореметени фактори на квалитет од поради претерано загревање или чување пред ставање во промет. Сепак појавата на таков мед при контрола е симболична појава, а во 99% случаи ветеринарната инспекција открила фалсификуван мед, во дијаметар од тотални фалсификати, кои не виделе пчела, до мед на кој му е додадена значителна количина на шеќер“, рекол тој.

SPOS апсолутно ја поддржува оваа акција која е во тек и инсистира да се заврши кај сите субјекти кои пласираат мед на пазарот.

Извор: agronews.rs