Секоја година после божиќните и новогодишните празници се поставува истото прашање: што да се прави со старите божиќни дрвца и каде да се остават? Париската градска управа повторно се погрижи на своите граѓани да им овозможи одлагање на старите елки на посебно означени места наместо тоа да се прави на јавните површини или пред зградите, пишува Ековесник.
Жителте на Париз, до 20 јануари своите стари божиќни дрвца ќе можат да ги остават на стотина посебно одредени локации, рамномерно распоредени на подрачја на целиот град, од каде ќе се упатат на рециклирање. Локациите се избрани да бидат во близина на местото на живеење и се отворени уште од 26 декември 2020. На овој начин секоја година се одлагаат се поголем број на елки, а многу е важно пред одложувањето од нив да се отстранат сите украси.
Во париската градска управа наведуваат дека старите елки ќе можат да се одлагаат и после 20 јануари и тоа до контејнерите за комунален отпад кои се наоѓаат пред зградите. Комуналните служби ќе ги соберат и дополнително оставените елки, а граѓаните се предупредуваат дека сите божиќни дрвца повисоки од 2,5 метри мораат да се пресечат на половина.
Градот Париз во соработка со продавачите на божиќни елки како и со управителите на стамбените згради, започнаа акција за собирање и рециклирање на стари елки со цел подигање на свеста за важноста на собирање на овој вид вреден отпад и низ градот можат да се видат натписи „Recyclons nos sapins“ (Да ги рециклираме нашите елки). Освен тоа, на мрежните страници на градот Париз поставена е интерактивна карта со означени локации на кои граѓаните можат да ги одложат своите стари дрвца.
Божиќните дрвца кои биле собрани на почетокот на 2020 во Париз овозможи да се обезбедат 2.300 m3 иситнет органски материјал кој се користел за збогатување на почвата и заштита на стеблата и цветовите во парковите. Гранките од елките се дробат на лице место, што значи дека нема превоз, а со тоа и нема загадување на воздухот. Иситнетите гранки и иглички од елките не се погодни за употреба во компостот, но идеални се за заштита на растенијата кои бараат кисела почва како и за ограничување на ширењето на коровот и тоа на еколошки начин. Старите божиќни дрвца на овој начин во Париз за прв пат почнале да се собирале и рециклирале во зимата 2007/2008 година кога на 65 различни локации биле собрани 15.000 елки. Благодарение на едукацијата на граѓаните и делотворното спроведување на оваа акција, 2019 година се собрани и рециклирани 97.356, а на почетокот на минатата година 115.250 божиќни елки.
Извор: agrobiz.hr
