Последниве години Русија вложува огромни пари во развој на земјоделството. Поради се почестите неповолните временски услови Русите, започнале масовно да подигаат стакленици каде во климатски контролирани услови се одгледува зеленчук.
Изградбата на стакленици кои се простираат на шест хектари завршена е во Серпухов, во близина на Москва, извести регионалното Министерство за земјоделство, а тоа го пренесуваат светските медиуми. Во овој простор ќе се одгледува органски зеленчук.
– Првото семе на органски зеленчук е засадено во Серпухов. Со ова е започната првата фаза на производство, а изградбата на самата стаклена градина е завршена, објектот е во процедура на започнување на производството“ – изјави министерот за земјоделство и прехрана на московската област, Андреи Разин.
Стаклениците се опремени со систем за наводнување капка по капка и контрола на температурата. Бидејќи е во прашање органско производство, за заштита на растенијата се користат исклучиво биолошки методи . Растенијата ги опрашуваат бумбари, што го подобрува растот на посевите за 20-50%, се наведува во извештајот на министерството.
– „ Втората фаза треба да започне во првиот квартал на 2021 година, а капацитетот на производство е 4.000 тони зеленчук годишно“, додава Разин.
Во овој проект се инвестирани 19 милиони евра, а по завршувањето на сите работи во комплексот ќе бидат вработени 100 работници.
Русија, а особено московската област е позната по неповолната клима, долгите и остри зими кои практично траат од септмеври до мај. Меѓутоа, со производство на храна во скаткленици, овој проблем би бил решен, а Московјаните ќе можат да купат свеж органски зеленчук кој нема да мора долго да се транспортира.
Извор: Agrobiznis magazin
