Европското првенство на сомелиери ќе се одржи во Србија во 2023 или 2024 година, во организација на здружението SERSA.
Здруженеито на сомелиери на Србија SERSA го доби правото за организацијата на ова Европското првенство на сомелиери! Оваа многу убава вест за SERSA и за Белград, каде што ќе се одржи натпреварот сепак доаѓа со еден услов кој се однесува на датумот на одржување: од ситуацијата со пандемијата зависи дали првенството ќе се одржи во 2023 или 2024 година.
Дејан Живковски, претседател на SERSA за Vino & Fino вели дека здржението на чие чело е тој е повеќе од подготвено да се фати во костец со оваа голема задача.
-„Ќе бидеме домаќини во 2023 или 2024 година, што зависи од ситуацијата со коронавирусот. Франција во 2022 би требало да организира Светско првенство на сомелиери, па календарот на првенстваата зависи од тоа. Што се однесува до нас, ние можеме да организираме првенство веќе следната година.“ вели Живковски.
Тој истакнува дека Меѓународната асоцијација на сомелиери ASI лесно донела одлука, токму Белград да биде домаќин на Европското првенството .
– „Добивме поголем број од гласовите бидејќи нашата презентација најмногу им се допадна. Покажавме каде е Србија и каде е Белград, град кој е многу лесно достапен од европските метрополи од кои доаѓаат натпреваруачите. Укажавме на тоа дека не поддржуваат 23 винарии и 3 дестилерии и дека очекуваме поддршка и од Министерството за земјоделство. И секако тука е и хотелот Хајат на чија целосна поддршка секогаш можеме да сметаме. Исто така, имаме и доволно сомелиери кои можат да учествуваат во организацијата на натпреварувањето , но повеќе поради дружба, одлучивме да повикаме сомелиери од светот да ни помогнат. Така ќе градиме амбасадори на нашата винска култура“- вели Дејан Живковски.
Извор: Vino & Fino
