За да може брокулата успешно да расте и да се развива потребни се одредени услови за тоа, а пред се најважна е температурата.
По сеењето на брокулата, оптималната температура за да може да никне е 20°C додека минималната е 5°C. Mаксимална температура на која никнува брокулата е 35°C.
Оптималната температира на растење е 15 – 18°C (после сеидбата или садењето оптималните температури се од 20 – 24°C) додека минималната температура на растење е 5°C.
Кога се сее за зимско одгледување ( подолга вегетација) мора да помине низ процесот на вернализација во траење од 2-4 недели при температури пониски од 10 °C. Вернализацијата е потребна за да може од вегетативна фаза да се премине во генеративна.
Во поволни услови цветот се јавува после 20-25 формирани листови (ако се температурите повисоки од поволните т.е над 20°C), и така се продолжува вегатитивната фаза и бројот на развиени листови до почетокот на генеративната фаза е поголем.
Ако во време на формирање на цветот температурата е повисока од оптималаната, цветовите се поситни, брзо стануваат ровки и побрзо процветуваат.
Во вегетативна фаза брокулата е отпорна на ниски темпратури додека цветот може да замрзне на температура од -5°C.
Средно тешката почва и почвата со добра структура е најповолна за успешен раст и развој на брокулата, со тоа оптималниот pH е помеѓу 6 – 6,8. Добрата снабденост со вода е неопходна за успешно одгледување на брокула. Во континенталните подрачја се одгледува пролетна и есенска брокула, во медитеранските есенска и зимска, додека летната брокула може да се одгледува во подрачјата каде средната дневна температура летните месеци не преминува 20°C.
Извор: Аgroportal.hr
