Минатата година во земјите членки на ЕУ биле одгледани 143 милиони свињи, 77 милиони говеда, 62 милиони овци и 12 милиони кози, покажуваат податоците на Еуростат.
Поголемите држави челнки на ЕУ одгледувале најмногу домашни живтони. Шпанија е на прво место. Од вкупниот број на домашни животни во оваа земја 22% биле свињи, 9% говеда, 25% овци и 23% кози.
Германија се наоѓа на второто место и тоа со 18% свињи и 15% говеда, а веднаш после неа е Франција со 9% свињи, 24% говеда и 12% овци.
Уште неколку држави од ЕУ се издвоиле со бројките како, Данска со 9% свињи , Ирска 9% говеда и Грција со 14% овци и 31% кози.
Развој на сточарството
Помеѓу 2010 и 2019 година дојде до флуктација во четири главни категории на домашни животни. Популацијата на свињи достигна скоро 146 милиони во 2017 година пред повторно да се намали. Сепак во 2019 година бројот на овие домашни животни бил поголем за 3% во однос на 2010 година.
Бројот на говедата својот врв го достигна во 2016 година со скоро 80 милиони грла, што е пораст од 3% во однос на 2010. После тоа е забележно намалување на бројките во следните три години. Во 2019 популацијата била за околу 1% пониска во однос на 2010 година.
Од друга страна, во истиот период (2010-2019) овците и козите го одржаа трендот на намалување. Минатата година бројот на овие животни бил помал за 8% во споредба со 2010 година.
Извор: Аgroklub.rs
