За да можеме да започнеме со производство на печурки – шампињони, потребна ни е соодветна просторија. Да претпоставиме дека имаме просторија за печурки чија должина е 15 метри, ширина 6,4 метри и висина 3,5 метри. На крајот на краиштата, може да се изгради таква просторија.
Даваме детален опис за тоа како да започнете со производство на шампињони во гајби како многу добар избор, иако во последно време шампињоните се повеќе се одгледуваат во ПВЦ вреќи. Пред сè, нè интересира како и колку гајби можеме да поставиме во просторијата, и од тоа веднаш ќе видиме колкава ќе биде површината за одгледување. Па, да почнеме по ред!
Пресметување на бројот на гајби што можат да се постават во просторијата за одгледување на шампињони
Да ги повториме димензиите на просторијата уште еднаш: таа е долга 15 метри, широка 6,4 метри и висока 3,5 метри.
Димензиите на сандуците се: должина 1 метар, ширина 0,5метри и висина 0,4 метри. Сандуците ќе бидат поставени така што нивната должина ќе биде насочена кон надолжната страна на просторијата, а ширината кон попречната страна на просторијата. Ходниците за премин помеѓу сандуците се широки 1 метар, а ходниците помеѓу попречните ѕидови се широки 0,7 метри. Ходниците по ѕидовите во ширина на просторијата (на почетокот и на крајот од просторијата) се 1 метар.
Сега кога знаеме сè за просторијата и растојанието помеѓу сандуците и ходниците, можеме лесно да ги распоредиме кутиите. Рековме дека должината на просторијата е 15 метри, и дека на почетокот и на крајот од таа просторија има коридор од 1 метар (вкупно 2 метри), што значи дека ќе можеме да сместиме 13 кутии со должина од 1 метар. Ширината на просторијата е 6,4 метри, а на сандуците 0,5 метри. Ако покрај sидовите по должината на просторијата оставиме два премини од 0,7 метри, што е вкупно 1,4 метри, тогаш тоа се 6 кутии со ширина од 0,5 метри, вкупно 3 метри. Помеѓу овие двојни редови има уште два коридори од по 1 метар, што е вкупно 2 метри.
Ако сето ова го собереме , ќе го добиеме следното:
| За два ходници по 0,7 метри | 1,4 м |
| За шест сандуци по 0,7 метри | 3,0 м |
| За два ходници по 1,0 метри | 2,0 м |
| Вкупно: По ширина(колку што е нашата просторија) | 6,4 м |
За поставување на сандуците во висина важи следното:
| За потпорите(тули) под сандуците ќе земеме | 0,2 м |
| За 4 сандуци со ногарки 0,4 м | 1,6 м |
| За еден ред сандуци без ногарки | 0,2 м |
| Вкупно: | 2,0 м |
Вкупната висина на просторијата е 3,5 метри, што значи дека ќе остане уште еден метар и половина до таванот, така што ќе има доволно воздух во просторијата.
Уште еднаш ќе повториме колку сандуци ќе има во просторијата
| Број на сандуци во должина: | 13 |
| Број на сандуци во ширина: | 6 |
| Број на сандуци во висина: | 4 |
Ако го собереме сето тоа, добиваме 490 сандуци.
На долните четири сандуци ќе има продолженија (ногарки).
Постојат: 13 X 6 X 4 = 312
На горните редови на сандуци не му требаат продолженија (ногарки), т.е. 16 X 6 = 78
Вкупно: 390
Површината за одгледување на шампињони се добива во нашиот случај кога бројот на сандуци е поделен со 2.
Ова значи: 390 : 2 = 195 м2 (ова е нашата површина за одгледување со која треба да се започне производство на печурки)
Следното што е потребно за производство на печурки е компост, кој може да се купи или направи.
Подготовка на компост
Кои се додатоците што треба да се стават во ѓубрето за да се добие компост од него?
За да се направи компост, на ѓубрето треба да му се додадат следниве додатоци:
– Урина (или уреа) од 3 до 5 килограми на 1 тон ѓубре, или исто толку амониум сулфат.
– Никулци од слад се добиваат во пиварници каде се произведува слад од јачмен и се додаваат 125 килограми на 1 тон ѓубре.
– Гипс, се додаваат 25 килограми на 1 тон ѓубре.
– Вода
– Базудин (додаток против инсекти). Се додава секогаш кога се носи ѓубрето, кога се прави низок или висок куп и кога се превртува купот.
Како да се измшаат ѓубрето и додатоците за компостот?
Пред да започнеме да го мешеме ѓубрето со додатоците за да направиме хранлив компост за одгледување на шампињони, треба да пресметаме колку ѓубре ни треба. По сеидбата, ѓубрето ќе се набие, така што неговата висина во кутијата ќе биде 17 сантиметри, а кога ќе се додаде слој на покривка дебел 3 сантиметри, висината ќе биде вкупно 20 сантиметри.
Токму толку е висока страничната штица од сндуците која го држи ѓубрето. Ногарките, кои го држат долниот дел од сандуците се високи 20 сантиметри, а тоа е растојание до горниот ред. Овие додатоци ги нема во горниот ред. Ако пресметаме дека ваквото набиено ѓубре тежи 50 килограми во еден сандук, или 100 килограми во два, тогаш ќе ја помножиме површината од 195 квадратни метри со 100, а со тоа ќе ја добиеме вкупната потребна количина ѓубре, односно 19.500 килограми или 19,5 тони. Ова е количеството ѓубре што е потребно за еден циклус на одгледување кој трае 90 дена. Кога циклусот ќе се смени, тогаш мора да започнеме одново.
Компостот од ѓубре и адитиви (додатоци), се подготвува на бетонска плоча, а самиот процес, во зависнот од избраниот начин, трае 18 дена.
Подготовката на компост (компостирањето) започнува со испорака на ѓубре, кое се мери со вага. Ѓубрето се истура на бетонска плоча без никаков ред, се полева со вода и се запрашува со „базудин“. По неколку дена, од ѓубрето се прават мали купчиња кои треба добро да се изгазат и наводенат.
Неколку дена после тоа, се прави висок куп, кој треба да стои неколку дена, а потоа се превртува повторно, неколку пати. Покрај тоа, треба да се објаснат некои термини.
Сите денови пред формирањето на високиот куп се обележани со минус (-). Денот кога се прави високиот куп се означува со нула (0), а сите денови после тоа се означуваат со позитивни броеви или едноставно со броеви без минус (на пример, ден 3, ден 6, ден 8, ден 10, итн.).
Во табелата е прикажан преглед на дејствијата при подготовка на компост:
| -8. ден Мерње, истовар, полевање, запрашување со “басудин” | -4. ден Сложивање на ниски купчиња, газење на, ѓубрето, додавање на 68кг уреа, додавање на клици од слад 2437кг | 0. ден Правење на високи купови 1,8×1,8м,разбивање на грутките, додавање на вода и формирање без набивање | 3. ден Прво превртување на купот, формирање без набивање, димензиите на купот се: 1,7×1,7м | 6. ден Второ превртување на купот, додавањена гипс, вода по потреба, купот е со големина 1,6×1,6м | 8. ден Трето превртување на купот, ако е потребно се додава вода | 10. ден Правење на престерилизација во просторот |
Извор: poljoprivrednisavetnik.com
Од каде се купува готов компост за шампињони?