– Бербата на тутунот во Струмичко привршува, а годинава и покрај намаленото производство, ќе има ист квалитет и количина скоро како лани, информира Марјан Трајков од Здружението на тутунопроизводители „Басмак“ од Василево.
-Временските услови им одат на рака на тутунопроизвoдителите и се берат последните листови од растението. Квалитетот е како ланскиот и покрај тоа што за 10 до 15 отсто се намалени површините. Очекуваме над два милиона килограми тутун, за кој, верувам, нема да има никакви проблеми да биде откупен, вели Трајков.
Годинава во Струмичко тутунот е засаден на над 1.000 хектари. Од страна на компаниите, кои вршат откуп во овој дел од државата, се поделени околу 2.400 евидентни листови, што е исто како минатата година.
МИА
