Оваа недела во т.н. „Долина на смртта“ во Калифорнија, која всушност претставува национален парк во Соединетите Американски Држави, е измерена највисоката забележана температура на Земјата во последните 100 години. Измерена е температура од неверојатни 54,4 степени Целзиусови.
Станува збор за огромно пустинско подрачје исполнето со кањони и песочни дини, а во таа пеколна атмосфера голем број луѓе живеат и работат.
Бренди Стјуарт работи во Националниот парк „Долина на смртта“ во Калифорнија и вели дека жештините се неподносливи. Светската метеоролошка организација продолжува да ја проверува екстремната температура, но неа всушност тоа не и е потребно за да знае колку е топло.
– „Кога се движите, тоа е како цел куп фенови да дуваат во вас“, изјавила Бренди Стјуарт.
Џејсон Хесер живее и работи на терен за голф. Тој раскажува дека поради жештината некогаш почнува да работи еден час порано, и тоа во четири часот наутро, но и тогаш температурите се околу 37- 40 степени Целзиусови.
– “Најдобар начин да ја опишам температурата овде е она чувство, како кога печете нешто во рерна и ја отворете, па ќе ве удри врел воздух“, објаснува тој.
Извор: Rtv.rs
