Глетка која остава без здив!
Пандемијата од корона вирусот не ги затвори само рестораните и кафаните туку, неколку месеци ги затвори и зоолошките градини ширум светот. Повеќето од нив денес се отворени, меѓутоа многу луѓе сеуште се плашат да посетуваат лоакции каде што има многу луѓе, иако тие се на отворен простор. Нивната претпазливост секако не е неоснована.
Зоолошките градини од своја страна се трудат да пронајдат нови начини да привлечат посетители, а една од нив која се наоѓа во Сан Антонио, неодамна се одлучила за нешто малку поинакво, пишува Bored Panda.
Имено, во оваа зоолошка градина посетителите од неодамна имаат прилика да уживаат во склуптури на животни направени ни помалку ни повеќе, туку од ЛЕГО коцки. Најдобро во врска со ова е што посетителите не мораат да излегуваат од својот автомобил за да ги видат фигурите, туку можат само да поминат со автомобилот низ изложбениот простор во зоолошката градина и да ги разгледуваат од своето возило.
Автор на оваа необична изложба е Шон Кени, уметник од Њујорк. Тој направил 30 скулптури на животни и во нивната изработка искористил малку повеќе од 30 милиони лего коцки. Секоја од нив е единствена и за да сето тоа биде направено како што треба, бил потребен многу труд.
Скулптурата панда на пример, е направена од 53.460 коцки, а на Шон му биле потребни дури 405 часа за да ја заврши. За скулптурата на орел, од друга страна, биле потрошени 184 часа и 42.198 коцки.
Живтоните од лего коцки ќе бидат изложени во зоолошката градина во Сан Антонио до 5 септември. Досега посетителите позитивно реагирале на нив, а особено задоволство претставува за децата.
Извор: Informer
