Од јануари до јуни оваа година, извозот на ориз од Тајланд изнесува 3,14 милиони тони, што е отприлика за една третина помалку во споредба на истиот период од минатата година. Пласманот во Индија, држава во која најмногу се извезува, бил помал за 4,53 милиони тони.
Тајландската задруга на извозници на ориз, ја потврди својата прогноза за 2020 година. Извозот ќе биде 6,5 милиони тони , што е најмала количина во последните 20 години, а како главни причини се наведуваат сушата и големата конкуренција.
– “Covid -19 го направи пазарот нестабилен. Земјите одлучија да работат на домашното производство не само на ориз туку и на останати производи, со тоа да го намалат увозот“, објасни претседателот на задругата Шароен Лаотаматас.
Тој признава дека некои земји како на пример Филипините, се одлучиле на поевтин увоз како оној од Виетнам, додека африканските земји увезувале од Кина.
Младите Тајланѓани го губат интересот за одгледување на ориз
Стручњаците стравуваат дека долгорочно гледано, постарата генерација земјоделци изумира и Тајланд ќе има проблеми во врска со пронаоѓањето на луѓе кои ќе ги обработуваат неговите 13 милиони хектари оризови полиња.
-„Една од причините зошто младите му вртат грб на земјоделството е уверувањето дека животот во градот е полесен и повозбудлив. Но некои други причини се специфични само за таа земја. За разлика од другите краеви на светот, во кои сликата за земјоделците се поврзува со носталгијата за селскиот живот, на Тајланд земјоделците се сметаат за бедни, глупи, сиромашни и болни“, појаснува Иам Тхонгде, стручњак за култура на одгледување на ориз за New York Times.
– “Телевизиските емисии редовно прикажуваат земјоделци чија кожа која што е потемнета од изложеност на сонцето, станала препознатлив знак за понизок социјален статус во оваа земја која што е премногу опседната со светолиот тен. Телевизиските програми и женските списанија се преполни со реклами за креми кои ја осветлуваат кожата. Но тука се и општествените причини бидејќи е општо познато дека земјоделците се се позадолжени. Опаѓањето на бројот на одгледувачи на ориз доста е раширен феномен во делови на Азија“, вели Роберт Зеиглер, извршен директор на Меѓународниот иснтитут за истражуавње на оризот на Филипините.
Извор: Agroclub
