Извозот на свинско месо на САД во Кина порасна за 531% во првите 5 месеци.
Тешко е да се разберат денешните политичко-економски односи во светот. Соединетите држави имале корист од првата фаза на трговскиот договор со Кина во поглед на извозот на свинско месо и покрај постојаниот политички спор помеѓу двете земји.
Податоците на кинеската царина покажуваат дека оваа земја во првите 5 месеци од 2020 година имала увоз од 1,68 милиони тони свинско, што е за 156% повеќе од минатата година.
Најголем дел од увозот бил од САД (333.445) тони, a следуваат Шпанија (300.116 тони) и Германија (239.637 тони)
Меѓу првите 10 земји извознички на свинско месо во Кина се и Бразил (155.818 тони), Данска (151.108 тони), Канада (134.015 тони ), Холандија (126.208 тони), Чиле (57.420 тони), Франција (48.634 тони) и Велика Британија (43,896 тони).
Извозот на свинско месо на кинескиот пазар го зголемиле и Аргентина, Италија, Швајцарија, Костарика и Белгија.
Овогодинешниот извоз на САД во Кина би можел да достигне еден милион тони месо
Извозот на свинско месо од САД во Кина порасна за 531% во првите 5 месеци. Во истиот период од 2019 година, САД се најде на петтото место меѓу главните извозници.
Главниот аналитичар за трговија со мeсо во кинеското министерство за земјоделство др. Зу Зенгионг, искоментира: „САД имаат корист од првата фаза на трговскиот договор, па оваа година би можеле да го зголемат вкупниот извоз на свиснко и свински отпад на околу еден милион тони“.
Мексико бележи најголем раст на извозот на свинско месо во Кина
За разлика од европските земји кои имаат релативно стабилен ранг на извоз на свинско месо во Кина, се повеќе држави од американскиот континент стануваат се поголеми кинески добавувачи. Мексико во петте месеци од 2020 година во Кина испорачал 34.439 тони свинско месо што е за 1360% повеќе во однос на ланската година и се наоѓа на единаесетто место меѓу извозниците.
-„ Бидејќи производството на кинеско свинско месо се зголемува, а со тоа е заострена и контролата за да се спречи ширењето на вирусот Ковид-19, се очекува извозот во Кина да се намали во втората половина на 2020 година и се очекува пад до почетокот на 2021“, вели др Зу.
Увозот во Кина доживува врв, додека домашното производство се зголемува
Во првата половина на 2020 година, увозот на свинско месо во Кина изнесуваше 2,12 милиони тони, што е повеќе од едногодишниот рекорд од 2,11 милиони тони во 2019. Кинеското минситерство за земјоделство очекува дека земјата оваа година ќе увезе дополнителни милион тони свинско за да го обезбеди снабдувањето на домашниот пазар.
Извор: Poljoprivreda.info
