Од АФПЗРР информираат дека во декември ќе се објават повици за три мерки од програмата ИПАРД – Мерка 1, Мерка 3 и Мерка 7.
Комплетните информации околу услови, критериуми и новини ќе има кога ќе се објави официјално повикот од страна на АФПЗРР.
Во продолжение основни информации за Мерка 7 – „Диверзификација на фарми и развој на бизниси“ од ИПАРД III програмата.
Со мерка 7 од ИПАРД програмата како инвестиција во промоција на руралниот туризам може да се аплицира за неповратен грант од 60% во инвестиција за сместување во внатрешен простор – апартмани.
- Минимална вредност на вкупните прифатливи трошоци за предложен
инвестициски проект треба да изнесуваат 10.000 евра во денарска противвредност. - Максималната вредност на вкупните прифатливи трошоци за предложен
инвестициски проект не треба да надминуваат 1.000.000 евра во денарска
противвредност. Во случај истите да ја надминуваат вредноста, Агенцијата ќе изврши
пропорционално намалување на сите прифатливи трошоци до максималната вредност
на прифатливи трошоци од 1.000.000 евра. - Максималната финансиска поддршка која може да биде доделена на еден
корисник во рамките на оваа мерка е 1.500.000 евра во денарска противвредност за
целиот период на спроведувањето на ИПАРД Програмата.
Планираната инвестиција најдобро може да се прикаже со следниов пример:
Доколку барателот – правно лице ( од рангот микро или мало претпријатие) со место на инвестиција во Струга или Валандово (Населени места определени како рурални области кои можат да користат средства од ИПАРД) сака да започне да се занимава односно да инвестира во изградба на објект за туристичко сместување – апартмани.
– Реклама –
Бидејќи вкупната вредност на инвестицијата треба да биде поголема од 10 000 евра до 1 000 000 евра. Во нашиов пример предпоставуваме дека вкупната инвестиција изнесува 200 000 еур без ДДВ. Неповратниот грант за оваа инвестиција изнесува 120 000 евра.
Документи кои се потребни при изградбата на објектот и набавка на оваа опрема се:
- Барање за користење на средства ( кое ќе ви помогне да го пополните консултантска куќа или сами)
- Фотокопија од важечка лична карта или пасош на одговорно лице
- Диплома за завршено минимум средно образование или сертификат за завршен курс/обука за вршење на економската активност или изјава дека до крајот на инвестицијата ќе помине таква обука
- Доказ дека правното лице не е во постапка на стечај
- Доказ дека правното лице не е во постапка на ликвидација
- Доказ дека врз барателот не е изречена прекршочна санкција за вршење професија, дејност или должност
- Изјава за големина на субјект (консултантска куќа)
- Потврда дека едно одговорно лице е во редовен работен однос во правното лице од АВРМ
- Уверение за платени даноци и придонеси од УЈП
- Потврда од локалната самоуправа – Општината Струга (Населени места определени како рурални области кои можат да користат средства од ИПАРД), дека инвестицијата е во согласност со стратегијата за локален економски развој
- Имотен лист за земјиштето каде ќе се гради објектот
- Доколку е изнајмено потребен е и договор за закуп не пократок од 7 години од денот на аплицирањето т.е.најдобро е да се направи договорот на 10 години и тој договор да биде прибележан во имотниот лист
- Решение за одобрен елаборат од министерство за животна средина ( или ПОДНЕСЕНО БАРАЊЕ ЗА ИЗДАВАЊЕ НА РЕШЕНИЕ ЗА ОДОБРЕН ЕЛАБОРАТ ЗА ЗАШТИТА НА ЖИВОТНАТА СРЕДИНА ЗА ПРОЕКТОТ
- Две понуди од различни добавувачи за секоја ставка помала од 10 000 евра придружени со техничка спецификација
- Три понуди од различни добавувачи за секоја ставка поголема од 10 000 евра придружени со техничка спецификација
- Копии од лиценци за градба за секој понудувач
- Договор за општи трошоци
- Фактура за платени општи трошоци
- Понуда за општи трошоци
- Копии или електронска форма од основните технички цртежи и предмер пресметка од ревидирана техничка документација
- Деловен план (консултантска куќа)
Важно: Со оглед на тоа дека се работи за инвестиција предложена од правно лице капацитетот не треба на биде поголем од 20 соби во кои можат да се сместат најмногу 30 лица (не вклучувајќи ги дополниелните кревети за деца). Надворешниот изглед мора да биде во согласност со стилот со традиционалната архитектура или да е во соглсност со пејсажниот амбиент на околината.
Целокупната документација се става во затворн плик и се испраќа до Агенција за финансиска поддршка во земјоделството и руралниот развој Ул. 3 та Македонска Бригада бр 20 ( зграда на Македонија Табак блок Ц) 1000 Скопје со назнака “Не отворај” по јавен оглас бр. __ и мерката за која се бараат средства.
По разгледувањето на барањето од страна на АФПЗРР и конечно одобрување на бараните средства барателот потпишува договор со АФПЗРР за реализација на инвестицијатa и од овој момент може да се започне со градбата на апартманите т.е. со сопствени средства може да ги изгради апартманите со што сите плаќања мора да бидат по фактура преку банка.
После реализацијата односно од кога ќе бидат завршени со градба апартманите се поднесува барање за исплата и средствата кои се инвестирале се враќаат 60% односно доколку инвестицијата изнесувала 200 000 евра, средства кои ќе му бидат доделени на барателот се 120 000 евра кои преставуваат неповратен грант. Барателот е должен оваа инвестиција да ја чува и да не ја отуѓува во наредните 5 години.
Најважната новина за ИПАРД 3 е авансното плаќање од 30 до 50% со склучување на договорот.
Повеќе информации на 071 225 345
