Под влијание на циклонска активност од утре до вторник времето ќе биде претежно облачно и постудено со повремени врнежи од дожд. Пообилни врнежи ќе има в недела и во понеделник кон крајот на денот и во текот на ноќта кон вторник.
Според најавите од Управата за хидрометеоролошки работи (УХМР), на повеќе места се очекува да наврне поголема количина на дожд од над 25 литри на квадратен метар за 24 часа, а во текот на прогнозираниот период локално и над 60 литри на квадратен метар.
Во Скопје од утре до вторник времето ќе биде облачно со повремени врнежи од дожд со променлив интензитет. В недела и во понеделник кон крајот на денот и во текот на ноќта кон вторник врнежите ќе бидат пообилни. За целиот прогнозиран период во Скопската Котлина се очекува да наврне над 40 литри на квадратен метар дожд.
МИА
