-Од Струмица акцентот со откупот на црвената пиперка се става на Прилепскиот регион каде што имаме пиперка на отворено. Таму почнува бербата, а она што е важно покрај домашните капацитети имаме зголемена побарувачка и од соседните земји, Бугарија, Србија и Босна исто така – изјави министерот за земјоделство Борче Серафимовски во интервју на 24ТВ и додаде дека долгорочно решение на проблемот на пласманот на земјоделските производи е само Планското производство.
-Годинава проблемите со пласманот на црвената пиперка уште еднаш покажаа дека не можеме повеќе да произведуваме стихијно, без план колкави количини на одреден земјоделски производ ни треба. Јас сум на оваа позиција само два месеци и во овој период сум постојано на терен и ја согледуваме моменталната состојба и се обидувам заеднички со земјоделците да дојдеме до некое решение. Но проблемот со пласманот се решава пред почеток на сезона кога точно секој земјоделец ќе знае што ќе се произведува, што е конкурентно и профитабилно. Ако неговото производство не е профитабилно, значи дека треба да се смени културата или начинот на производство. Ова ќе ми биде главната работа штом заврши сезоната, некаде после октомври кога ќе седнеме заедно со сите релевантни фактори- земјоделци, откупувачи, науката, институциите и ќе видиме колкаво производство од која култура ни е потребна и за која ќе има решен пласман. Значи Договорно производство, меѓу производители и откупувачи и Планско на ниво на држава, тоа е решението кое ќе го понудам како прв човек на МЗШВ – рече Серафимовски во интервју за 24ТВ.
Тој вечерва изјави и дека субвенциите за градинарите, ако не се исплатени во текот на денешниот ден, тогаш ќе ги имаат во понеделник.
Што се однесува до откупот на црвената пиперка кој сега интензивно започнува во Прилепскиот регион најави следење на процесот и реагирање ако има потреба и со извоз во други земји и пазари.
Повеќе од видеото
