Делови од општините Ѓорче Петров и Карпош денеска ќе останат без електрична енергија поради планирани зафати на електродистрибутивната мрежа, информираат од Центарот за управување со кризи (ЦУК), повикувајќи се на известување од ЕВН Македонија.
Во периодот од 11:00 до 14:00 часот без струја ќе бидат дел од корисниците на улицата „Беаз Куле“ во Општина Ѓорче Петров.
Од 11:00 до 15:00 часот електрична енергија нема да имаат корисниците на улицата „Теодосиј Синаитски“, парните броеви до број 12, во Општина Карпош.
Од ЕВН апелираат граѓаните да ги имаат предвид најавените прекини при планирањето на своите дневни активности
ЈП „Водовод и канализација“ – Скопје информира дека во денеска, 13 јули, делови од градот ќе останат без вода поради дефект на водоводна цевка.
Како што соопштуваат од претпријатието, станува збор за дефект на водоводна цевка со пречник Ф250 милиметри на улицата „Македонска Косовска Бригада“ бр. 23А, зад зградите кај Аквадукт.
Поради интервенцијата, од 8:30 часот без вода ќе останат дел од корисниците на улицата „Македонска Косовска Бригада“, на потегот од бензинската пумпа „Макпетрол“ до подвозникот во Шуто Оризари, како и жителите на улицата 11, касарната „Илинден“ и Трговскиот центар „Поинт“.
Од ЈП „Водовод и канализација“ посочуваат дека водоснабдувањето ќе биде нормализирано по завршувањето на санацијата на дефектот.
