Француските земјоделци се повикани да дојдат утре, 8 февруари, со трактори во Париз на протест, со цел да го осудат „исчезнувањето“ на домашните земјоделски производи поради намалувањето на видовите пестициди кои им се на располагање.
На протести на 20 февруари, но ширум Франција, повикале и Земјоделскиот синдикат и Сојузот за производство на шеќерна репка.
Земјоделците планираат да се соберат со тракторите во Париз во близина на Парламентот и Министерството за земјоделство. За учество се пријавиле околу 900 земјоделци.
На 23 јануари, француската влада одлучи да не одобри одредени инсектициди за одгледување шеќерна репка, по одлуката на Судот на правдата на Европската Унија да ги забрани тие производи. Тие супстанции, токсични за пчелите, се забранети од 2018 година, но продолжена е нивната употреба во Франција за семето на шеќерната репка да се заштити од вирусни болести кои ги загрозуваат приносите.
Синдикатот оценил дека состојбата во некои земјоделски сектори е веќе катастрофална и дека со забраната за инсектициди ќе исчезне земјоделството во Франција.
Синдикатот се залага за продолжување на употребата на инсектициди се додека не се најде друго решение бидејќи се работи за „суверенитет на храната“, кого Владата го посочи како еден од своите приоритети.
