Во текот на денешниот ден времето во државава ќе биде сончево и топло со умерена локална облачност. Во попладневните часови ќе има услови за локален краткотраен дожд и грмежи а ќе има услови и за ретка појава на град. Ќе дува умерен ветер од западен и од северозападен правец и истиот повремено ќе засилува.
Максималните дневни температури ќе се искачуваат во интервалот од 24 до 33 степени.
Во Скопје и околината времето ќе биде сончево и топло со умерена облачност. Попладне ќе има услови за локален краткотраен дожд и грмежи. Максималната температура ќе се искачи до околу 30 степени.
Во текот на новата недела која што ни претстои, особено во попладневните часови на повеќе места ќе биде нестабилно со пороен дожд, грмежи, засилен ветер и услови за локална појава на град.
Временската прогноза ја подготви Славчо Попоски
