Најстудено утрово е во Берово, каде се измерени 4 степени Целзиусови. Потоа, 6 во Лазарополе, 7 на Попова Шапка, 8 во Струмица, 9 во Крива Паланка, Охрид, Kрушево, Mаврови Анови, 10 во Гевгелија, 11 во Битола, Претор, Скопје-Петровец, 12 во Штип, Прилеп, Велес, Виница, Кавадарци, Куманово, а 13 степени Целзиусови се регистрирани во Тетово, Скопје-Зајчев Рид, Демир Капија, соопштија од Управата за хидрометеоролошки работи.
Според синоптичарите, времето денеска ќе биде променливо облачно, наместа со повремен локален дожд и услови за појава на ретки грмежи. Ќе дува слаб до умерен ветер од јужен правец. Максималната температура ќе биде во интервал од 19 до 25 степени Целзиусови.
Во Скопје, исто така, се очекува променливо облачно време, во делови од котлината ќе има услови за повремен дожд. Најавено е да дува слаб до умерен ветер од јужен правец. Максималната температура се очекува да достигне до 24 степени Целзисуови.
УХМР
