Градоначалничката на Општина Македонска Каменица, Соња Стаменкова, изврши увид во текот на градежните активности за реконструкција на локалниот пат што ги поврзува селата Косевица и Моштица, како и кракот во Горанско маало во Косевица.
Како што информираше, со реализацијата на овој проект значително се подобрува патната инфраструктура во овој дел од општината, што е од особено значење за жителите кои секојдневно го користат овој патен правец.
Вкупната вредност на инвестицијата изнесува 21.204.459 денари.
Градоначалничката истакна дека општината ќе продолжи со вложувања во вакви проекти, нагласувајќи дека квалитетната инфраструктура претставува основа за развој и подобри услови за живот во сите населени места.
Извор – Исток3
