Тоа што се најавуваше неофицијално за поништување на повиците за трактори и приклучна механизација, сега веќе информацијата е официјална.
Во Службен весник е објавено Решение за запирање на постапка по Јавен повик бр.06/2025 за доставување на барање за користење на средства од Програмата за финансиска поддршка на руралниот развој за 2025 година.
Во истиот Службен весник од 25 март 2026 е објавено решението и за запирање на постапка по јавен повик бр.04/2025 за доставување на барања за користење на средства од Програмата за финансиска поддршка на руралниот развој за 2025 година.
Агенцијата за финансиска поддршка во земјоделството и руралниот развој (АФПЗРР) на 06.06.2025 година го објави јавниот повик бр. 04/2025 од Националната програма за рурален развој за мерка 121.8 „Инвестиции за модернизација на земјоделски стопанства – Набавка на трактори“.
Повиците се поништени и нема најава кога и дали ќе има нови.
