Традиционалните јубилејни, 40-ти гусански борби, во Мокрин во близина на Кикинда завршуваат во недела, кога се одржува големото финале во натпреварот на најборбените и најсилните селски белопердувести витези.
За титулата шампион ќе се борат гуски сениори, двегодишни и млади гуски, а во сите три категории на популарната „Гусанијада“ хероите со силни крилја и клунови ќе се сретнат на улицата Доситеј Обрадовиќ број 33, што е средина на патот помеѓу дворовите на двајцата најсилни постари гусаци. Тоа се Гусан Тајсон, во сопственост на Мирко Ристиќ и Кобра – Свемирац, во сопственост на Милош Ѓукиќ. Се очекува силно ударање со клуновите и крилјата, бидејќи и двајцата се искусни борци за чување на јатата гуски, територијата и идните малечки.
Ова ќе биде јубилејно финале, кое ќе им донесе радост на селските гусари, а пред сè на сопственикот на победничкиот гусак.
– Очекуваме победа, бидејќи Тајсон е минатогодишниот победник во лигата Мојот внук го хранеше и се грижеше за него, за да добие титула – вели Ристиќ.
И неговиот и гусанот на противникот со две имиња, Кобра – Свемирац, имаат три години, па Милош Ѓукиќ реално проценува дека шансите за победа се пола пола.
– И мојот гусак е целосно подготвен. Тој стигна до финалето во борби што траеја 16 и пол минути. Очекуваме дека ниту финалето нема да биде лесно. Иако мојот гусак е малку поголем од противникот, тоа не мора ништо да значи, силата и волјата се важни – оценува Ѓукиќ.
Во категоријата гусани од две години, и двата во финалната борба, Капетан Кук и Професор, се во сопственост на Мирослав Челекетиќ, додека во младинската лига ќе се натпреваруваат фаворитите Слободан Кришан и Давор Ладичорбиќ. Традиционалната 40-та „Гусанијада“ е единствена манифестација на листата на „УНЕСКО“. Ревијалните натпревари почнуваат веќе во 10 часот наутро, а финалето е во 12:30 часот.
извор: Novosti.rs
