Неорганизираното производство и пласман на земјоделските производи е сериозен проблем на земјоделците и главна причина за нивното незадоволство од оваа дејност.
Но во последно време сведоци сме дека ова стихијно производство сериозно ја нарушува и бизнис климата на преработувачите и трговците. Непланското производство се покажува како погубно за двете страни и алармантно ја наметнува потребата од Договорно производство како најдобро решение за двете засегнати страни.
Затоа АГРОТИМ во своето портфолио нуди организирање и промоција на Договорно производство на одреден производ за кој ќе се појави интерес од страна на откупувачите, преработувачите или трговците.
На овој начин ќе создадеме систем во кој сите чинители ќе имаат свои обврски и активности, а заеднички ќе биде успехот од оваа тимска работа.
Наша обврска во овој процес е:
- Промоција на Договорното производство на платформата Агротим.мк преку комерцијални објави, пи ар текстови, видеа и претставување на компанијата која се јавува како откупувач
- Теренски активности преку организирање на средби со земјоделци каде ќе се промовира договорното производство и ќе се создаде кластер од производители кои ќе добиваат едукативни и стручни совети за начинот на производството, особено ако културата е нова или специфична.
- Видео репортажи од целокупниот процес, односно видео запис од спроведување на сите агротехнички мерки од сеидба, садење до берба на производот.
- Откуп на производот.
- Репортажи од земјоделци – учесници во проектот Договорно производство за нивното искуство и постигнатите резултати.
Целта на проектот е да се ангажираат земјоделци кои ќе потпишат договор со откупувачот со загарантирана откупна цена на производот, навреме платен но ќе мора да испорачаат род согласно договорот за квалитет и количество. Овие договори секако се надвор од ингеренциите на Агротим, тие ќе бидат меѓу производителите и откупувачите но придржувањето кон условите на договорот ќе биде надгледуван од страна на Агротим.
Целокупниот процес ќе има видливост и ќе се следи почитување на договорите од двете страни, а успешната реализиција ќе биде мотив за зголемување на површините следната сезона како и регрутирање на нови земјоделски производители кои ќе сакаат да бидат дел од еден ваков организиран систем.
Преку Агротим имаме доста позитивни примери на организирање или промоција на Договорно производство и тоа за сончоглед, пченка, органска пиперка, корнишони, бессемена лубеница, афион за преработувачка индустрија и други земјоделски производи.
Телефон за контакт 071 225 345
Ве очекуваме!
