Проблемите со поплавите во Португалија сè уште не се завршени, а последиците би можеле силно да влијаат на европскиот пазар на свеж зеленчук. По разорните бури и обилните дождови, цели култури паднаа во производството, што би можело да предизвика недостиг и зголемување на цените низ цела Европа во наредните месеци, пишува Агроинформ.
Според Тања Луз е Силва од Раш Груп, ситуацијата би можела уште повеќе да се влоши. Седиштето на компанијата се наоѓа во Обединетото Кралство, но работи и во Холандија, Португалија, Полска, Унгарија, Египет, Јужна Африка и САД. Нивната подружница Раш Фармс Португалија се наоѓа во регионот Рибатехо, североисточно од Лисабон, каде што свеж зеленчук се одгледува на околу 200 хектари во текот на целата година.
Силва истакнува дека дури и пред поплавите, производителите биле погодени од екстремни временски услови. „Дури и пред бурата Кристин, беа забележани големи уништувања. Ветровите достигнаа брзина од 208 километри на час, а бројни оранжерии, системи за наводнување и електрични инсталации беа уништени“, вели таа. Обилните дождови и прелевањата на реките дополнително ја зголемија штетата. Иако нивото на водата постепено се повлекува, акумулациите се уште се полни, а многу полиња остануваат под вода. Клучното прашање е дали азорскиот антициклон ќе успее да го стабилизира времето и да ја исуши почвата. Поолем дел од обработливото земјиште е сè уште поплавено, што ја оневозможува бербата. Таму каде што таа е сè уште можна, квалитетот на производот често е нарушен. „Раш груп“ предупредува дека последиците ќе се почувствуваат на ниво на цела Европа преку намалена понуда и притисок врз цените.
За да го ублажи недостигот, компанијата моментално се потпира на увоз на зеленчук, вклучувајќи моркови од Египет и Полска. Цели култури се изгубени Според производителите, штетата е драматична. Одредени култури се целосно изгубени, а пролетното садење ќе биде одложено. Особено беше погодено производството на зелка, чија берба, според проценките, ќе биде можна дури кон крајот на португалската и шпанската сезона.
Локалните производители очекуваат брза финансиска помош од осигурителите, португалската влада и Европската Унија. Многу земјоделци обезбедија осигурани посеви, но не и инфраструктура како што се оранжерии и опрема, што го отежнува закрепнувањето. Земјоделството таму се соочува со предизвикувачка прва половина од годината. Доколку времето не се стабилизира наскоро, европскиот пазар на зеленчук би можел да доживее сериозни нарушувања, од недостиг до повисоки цени на полиците во продавниците.
Агрокулуб
