Во текот на изминатата недела имвме променливо облачно и релативно топло време со повремени врнежи од дожд и врнежи од снег на планините. Од агрометеоролошки аспект, појавата на врнежи од дожд го подобруваат водно-физичкиот режим на почвата и ја надополнуваат влагата во почвата, со што се обезбедува добра залиха на влага за успешно навлегување на посевите во период на пролетен развој.
Ова е период кога се врши резидба кај овошните растенија. Зимската резидба се врши во текот на зимското мирување. Таа се смета како основна и задолжителна. Се применува со цел формирање на круните кај млади овошни растенија, но и во родни насади , со цел регулирање на родот кај растенијата. Режењето на овошките треба да се избегнува во услови на ниска надворешна температура и во услови на температура под -8°C, не се препорачува за изведување на оваа операција. Од друга страна пак, резидбата треба да заврши до фаза на бабрење, кога пупките лесно се оронуваат, затоа се препорачува земјоделските производители да имаат однапред добро испланирана програма за зимска резидба. Пред да се почне со резидба , потребни се информации на минатогодишниот пораст кај овошката, кој треба да биде индикатор.
Продолжува периодот на променливо облачно време со повремени врнежи од дожд, кои локално ќе бидат пообилни. На повисоките планини врнежите ќе бидат од снег. Поради продор на постуден воздух и засилен северен ветер во почетокот на новата седмица врнежите од дожд ќе преминуваат во врнежи од снег и на некои од повисоките места.
Препорака: Земјоделските производители да вршат редовни проверки и следење на состојбата на нивните посеви после дождот, проверка на задржување вода и да ги следат временски прогнози. Доколку почвените услови тоа го дозволуваат може да продолжат со активностите и грижата за нивните посеви и изведување на работи во поле.
Минималната температура ќе се движи во интервал од -2°C, до 9°C, а максималната температура ќе се движи во интервал од 4°C до 17°C.
Извор: Агрометео
