На седница на Влада е усвоена Програмата за финансиска поддршка во земјоделството за 2026 година
3.6. Директни плаќања за одгледани и предадени или заклани грла говеда во регистриран кланичен капацитет
-Корисници на оваа подмерка се земјоделските стопанства кои одгледале и предале или заклале говеда во регистриран кланичен капацитет запишани во Регистар на одобрени објекти за производство на храна од животинско потекло, за период од мај 2025 година до април 2026 година и истите да се чувани најмалку три месеци во одгледувалиштето пред денот на предавањето во кланичен капацитети;
-Корисници на оваа подмерка се земјоделските стопанства кои одгледале и предале или заклале говеда во регистрирани кланични капацитети запишани во Регистар на одобрени објекти за производство на храна од животинско потекло, грлата говеда да не се помлади од осум месеци и да не се постари од 24 месеци, да имаат минимална тежина од 450 килограми на денот на колење и да се од следните раси: сименталско, оберинталско, монтафонско, херефорд, шароле, абердин ангус, белгиско плаво, лимузин, а за сите останати раси или мешавини од различни раси да имаат минимална тежина од 250 килограми и истите да се чувани најмалку три месеци во одгледувалиштето до денот пред да се предадат во кланичен капацитет и
-Висината на директните плаќања изнесува 6.000 денари по предадено или заклано грло говедо за следните раси: сименталско, оберинталско, монтафонско, херефорд, шароле, абердин ангус, белгиско плаво и лимузин, а 4.500 денари за сите останати раси или мешавини од различни раси.
Крајниот рок за поднесување на барањата е 15 мај 2026 година.
