Од ноември минатата година на чело на Агенцијата за финансиска поддршка на земјоделството и руралниот развој е М-р Даниела Иротова – Лазарева, поранешен државен секретар на МЗШВ.
Во интервјуто за Агротим, директорката Иротова – Лазарева зборува за состојбата која ја затекнала во АФПЗРР и активностите кои се превземаат за враќање на системот кој постоеше во агенцијата.
-Имавме постапки да докажеме дека АФПЗРР функционира, ревизорските извештаи покажаа дека системот во агенцијата функционира. Тоа што поединци се дрзнале да злоупотребат службена положба е предмет на Обвинителство и секој ќе си сноси последици – вели Иротова – Лазарева.
Таа вели дека со Брисел се во постојана комуникација, изработен е акциски план со кој се обврзуваат да не се повторат вакви ризици и да се спроведат низа активности со кои ќе се зајакне контролата..
-Подготвуваме измена на програмата за ИПАРД, зајакнување на критериуми за да се избегнат евентуални манипулации. Инициравме и измена на законот за агенција, да се направи рамка во која можат да делуваат вработените, да нема субјективизам. Законот очекуваме брзо да биде донесен и пратениците во Собранието да го изгласаат. Со Брисел имаме директна комуникација, ни се бараат нова документација за да ја продолжиме со новите акредитации на мерки што ми дава за право да кажам дека ние сме на вистинскиот пат да ја вратиме довербата на агенцијата – вели Иротова – Лазарева.
Во интервју за Агротим разговараме на повеќе актуелни теми: Состојбата со ИПАРД 3, исплата на субвенции за млеко, органски производи, лозарство, овоштарство, мерката „Млад земјоделец“, нови законски измени и планирани активности на агенцијата.
