Декември минатата година бил натпросечно топол и потпросечно врнежлив, покажуваат мерењата и набљудувањата на среднодневните температури и врнежи во метеоролошките станици на Македонија.
Во споредба со просечните декемвриски средномесечни температури за триесетгодишниот период 1991 – 2020, во 2025 година декемвриска температура била 1,3 степен повисока од просечната на ниво на држава, а месечното ниво на врнежи бил 50 отсто од просекот во однос на декемвриската просечна вредност во периодот 1991 – 2020, која изнесувала 65 мм.
– Декември се карактеризира како нормално до топол (со исклучок на Маврово, каде што е многу тополо за овој период од годината) и просечно врнежлив месец на југоистокот до сушен на западот и во централниот дел и многу сушен во Крива Паланка и Охрид во однос на просекот 1991 – 2020. Средномесечната температура се движеше од 1,8°С во Маврово до 6,9°С во Гевгелија. Највисоката максимална температура беше измерена на 11 декември во Гевгелија и изнесуваше 16,7 степени. Најниската минимална температура во текот на месецот беше измерена во Маврово, на 31, и изнесуваше -11,5 стпени. Во декември 2025 месечното ниво на врнежи во државата варира од 10 мм во Охрид до 101 мм во Гевгелија. Врнежите беа од дожд и снег. Максимално дневно количество врнежи од 36 мм беше измерено во Гевгелија на 25 во месецот. Максималната дневна снежна покривка од 16 см беше измеренa на 8 декември во Маврово – информира УХМР.
