Поради големиот број туристи, јапонскиот град Фуџијошида, сместен во близина на планината Фуџи, го откажа овогодишниот Фестивал на цветањето на црешите. Според властите, ваквиот пораст на посетители прави голем метеж во сообраќајот, проблеми со отпадот и го загрозува животот на локалното население.
Одлуката е донесена откако дел од локалните жители се пожалиле дека туристи без дозвола влегуваат на нивните имоти, па дури и вршат нужда во нивните дворови. Други пак дека фрлаат отпад и непрописно паркираат.
Градоначалникот на Фуџијошида, Шигеру Хориучи изјави дека на десетгодишниот фестивал со цел да се заштити достоинството и животната средина на граѓаните.
За време во цветање на црешите во градот дневно пристигнуваат и до 10.000 посетители. Властите во соопштението наведуваат дека до ваквиот наплив на туристи дошло поради пад на вредноста на јенот и преголемата популарност поттикната од социјалните мрежи.
Јапонските власти предходно се обидоа да ги спречат туристите во потрага по совршена фотографија. Во 2024 година, во местото Фуџикавагучико беше поставена голема црна преграда за да се блокира еден од најпознатите видиковци во државата и да се спречат непристојните гости.
