Косовската Агенција за храна и ветеринарство објави дека забранила увоз на овци и кози од Македонија.
Забраната е резултат на официјални извештаи од ADIS и Светската организација за здравје на животните (WOAH), кои потврдија присуство на заболување кај овците и козите во регионот на Липково.
„Во согласност со Законот за ветеринарство бр. 2004/21, увозот на живи овци и кози, како и нивните нуспроизводи (кожи и волна), е забранет, вклучително и производи што потекнуваат од овие животни кои не се термички третирани или кои потекнуваат од Република Северна Македонија. Оваа мерка стапува на сила веднаш и ќе остане во сила до понатамошна проценка на ситуацијата од страна на надлежните меѓународни органи, како и од Агенцијата за храна и ветеринарство на Република Косово“, се наведува во соопштението.
Извор – Експрес
