Доналд Трамп менува 30 амбасадори. Aмериканската администрација најави големи промени во дипломатијата и смена на 30 дипломати од кариера од амбасадорски и други позиции во амбасадите. Со промените ќе биде опфатена и американската амбасадорка во земјава, Анџела Агелер, која е на таа позиција од 2022 година, информира 24ТВ.
Амбасада на САД во Македонија: „Можеме да потврдиме дека амбасадорката Агелер е меѓу оние кои се отповикани како дел од неодамнешната одлука што влијае на околу 30 амбасадори на САД. Длабоко сме и благодарни на амбасадорката Агелер за нејзината служба во Северна Македонија во изминатите три години и сме посветени на обезбедување непречена и ефективна транзиција што ќе им даде приоритет на мисијата на САД и нашите дипломатски односи. Амбасадата ќе продолжи да работи нормално во текот на овој процес. “
Од Стејт департментот не ги коментираа промените но соопштија дека се работи за стандарден процес во секоја администрација. Најмногу смени има во Африка, каде се повлечени амбасадорите од 13 земји.На второ место е Азија со промени на амбасадорите во шест држави. Во Европа, покрај во Македонија, смени ќе има и во Ерменија, Црна Гора и Словачка…
Според Политико, промените се обид за преобликување на американските дипломатски претставништва и поставување кадар, за кој се смета дека целосно ги поддржува приоритетите на трамп за америка на прво место.
Агелер беше номинирана за амбасадорка на сад во македонија од администрацијата на џо бајден во мај 2022 година. По процесот на одобрување, таа ги предаде акредитивните писма на 8 ноември 2022 година.
