Во текот на следниот период, нашата територија ќе се наоѓа под влијание на многу топла воздушна маса која продира од северните предели на Африка. Времето ќе биде сончево и топло, повремено со умерена локална облачност.
Само утре попладне ќе има услови за сосема ретка појава на локален и краткотраен дожд. Денес и утре ќе дува умерен, повремено на некои места засилен ветер, денес од јужен и од југозападен а утре претежно од западен правец.
Максималните дневни температури ќе се искачуваат во интервалот од 22 до 30 степени, во најтоплите предели од државава во текот на следните денови температурите се очекува да го надминат 30-от степен.
Временската прогноза ја подготви Славчо Попоски
