До крајот на денов локално ќе има нешто повеќе облачност но врнежи не се очекуваат. На повеќе места ќе започне да дува умерен ветер од јужен правец, истиот повремено ќе засилува. Максималните дневни температури на воздухот ќе се искачуваат во интервалот од 22 до 28 степени.
И во Скопскиот регион до крајот на денов ќе има нешто повеќе облачност но без врнежи. Ќе дува слаб до умерен ветер од југоисточен правец и истиот повремено ќе засилува. Максималната дневна температура се очекува да се искачи до околу 27 степени.
Потоа и во следните денови ќе се задржи претежно стабилно, суво и уште потопло време. На почетокот од новата недела ќе дува умерен, повремено засилен ветер од јужен и од југозападен правец. Максималните дневни температури на воздухот ќе се искачуваат во интервалот од 22 до 30 степени.
Исто така во текот на новата недела во најтоплите предели од државава температурите на воздухот се очекува да го надминат 30тиот степен.
НАПОМЕНА: Поради изразеното јужно и југозападно воздушно струење, понатаму од Сахара кон нашата држава ќе се врши транспорт на прашина и на песок со што и атмосферата ќе биде позаматена. Времето исто така ќе биде помачно и поспарно.
Временската прогноза ја подготви Славчо Попоски
